Departamenti i Veterinarise

Departamenti i Mjekësisë Veterinare në Kolegjin Universitar “REALD” është një komunitet akademik që bashkon pedagogë, studentë dhe staf teknik për të ofruar një arsim të avancuar dhe kërkime shkencore inovative në fushën e shëndetit dhe mirëqenies së kafshëve. Me një qasje të integruar ndaj Mjekësisë Veterinare, Prodhimeve Blegtorale dhe Sigurisë Ushqimore, ky departament synon përgatitjen e profesionistëve të aftë për të përballuar sfidat bashkëkohore në këto fusha.

Misioni dhe Objektivat

Departamenti ka si qëllim:

Reduktimin e ndikimeve mjedisore të prodhimeve blegtorale dhe promovimin e qëndrueshmërisë në këtë sektor.

Kujdesin dhe menaxhimin e mirëqenies së kafshëve të fermës, shoqëruese, të laboratorit dhe të egra, duke përdorur teknologjitë më të avancuara të mjekësisë së precizionit.

Studimin epidemiologjik dhe patogjenetik të sëmundjeve infektive, parazitare dhe onkologjike të kafshëve, si dhe zhvillimin e protokolleve diagnostikuese dhe terapeutike të reja.

Përmirësimin e sistemeve të fermave dhe teknologjive agro-blegtorale për një prodhim më efikas dhe të qëndrueshëm.

Rritjen e standardeve të sigurisë ushqimore dhe certifikimin e proceseve në të gjithë zinxhirin agro-blegtoral.

Programi i Studimeve

Departamenti i Mjekësisë Veterinare ofron Programin e Integruar të Studimit 5-vjeçar “Master Shkencor” në “Mjekësi Veterinare”, i cili përgatit veterinerë të aftë për të kontribuar në shëndetin e kafshëve dhe mbrojtjen e shëndetit publik. Programi është hartuar sipas standardeve evropiane dhe kombëtare, duke përfshirë një kombinim të thelluar të teorisë, praktikës dhe kërkimit shkencor.

Bashkëpunimi dhe Angazhimi me Komunitetin

Departamenti bashkëpunon me klinika veterinare, ferma dhe institucione kërkimore për të ofruar:

• Shërbime të specializuara kliniko-diagnostike për kafshët.
• Trajnime të vazhdueshme dhe certifikime për profesionistët e fushës veterinare.
• Konsulencë teknike për fermat dhe bizneset agro-blegtorale, duke ndihmuar në menaxhimin dhe përmirësimin e prodhimit.

Me infrastrukturë moderne dhe staf akademik të përkushtuar, Departamenti i Mjekësisë Veterinare në “REALD” synon të jetë një qendër ekselence për zhvillimin e veterinerëve të ardhshëm dhe kontributin në sektorin e shëndetit dhe mirëqenies së kafshëve në Shqipëri dhe më gjerë. specialistëve të ardhshëm të farmacisë dhe zhvillimin e sektorit farmaceutik në nivel kombëtar dhe ndërkombëtar.